यूएईमा एक नेपाली भासी भारतीय सहित ६ जना नेपालीको मृत्यु

अम्बिका भण्डारी, यूएई - एक महिनाको अबधिमा यूएईमा एक नेपाली भासी भारतीय सहित ६ जना नेपालीको मृत्यु भएको छ । जुन २८ मा यूएइको साजाह स्थित एक होटलमा कामगर्ने ओखलढुङ्गाकी २२ वषिया वर्षा मुलीचाको युएईको जुमेरा स्थित समुद्रमा नुहाउन गएका बेला समुद्रको छालले वगाएर  मृत्यू भएको थियो । साथीहरु सग दुवइको जुमेरा व्रिजमा पौडीखेल्न  छिरेकी वर्षा लामो समय सम्म हराएपछि खोजी गर्दा मृत अवस्थामा भेटिएको थियो  । एक तथ्यांक अनुसार हालसम्म यूएइमा समुद्रले वगाएर युएईमा ९ जना नेपालीको मृत्यू भइसकेको छ ।

त्यस्तै  रोजगारीका लागि ६ बर्ष अघि युएई आएका धरान सुनसरीका उत्तम कुमार राइको युएईको अबुधाबीमा गाडी दुर्घटनामा परी  जुन ३० तारिकका दिन ज्यान गयो । ६ बर्ष अगाडी युएई आएका अबुधाबीमा रहेको स्टार सिक्युरिटी कम्पनीमा सिक्युरिटी गार्ड्मा कार्यरत राइको काममा जाने सिलसिलामा कम्पनीको गाडी दर्घटना हुदा ज्यान गएको हो ।

त्यसको अर्को दिन जुलाई १ मा दुबइमा रहेको बर्केली जनरल सर्भिसेस कम्पनी अन्तर्गत  बर्केली कम्पनी मार्फत दुबइ बिमानस्थलमा सुरक्षा गार्डको रुपमा कार्यरत भोजपुरका नबीनकुमार राईको हृदयघातका कारण ज्यान गयो  । यूएईमा  रोजगारीका लागि ८ महिना अघि दुबइ आएका राइ रात्री सेवाको ड्युटी सकेर सोमबार बिहान दुबइको अल्कुजमा रहेको मजदुर क्याम्पमा आएर सुतेका  मृत अबस्थामा भेटिएका थिए ।

भारत मणीपुर घर भरका नेपालीभाषी राम प्रसाद पोखरेलको जुलाई १ का दिन आत्महत्या गरे । दुवइको जावेल इन्टरनेसनल इन्सूष्टिट अप मेनेजमेन्टमा कार्यरत लास उनकै कोठामा पासो लागेर झुण्डिएको अवस्थामा मंगलवार भेटिएको दुवइ प्रहरीले जनायो । उनी आठ महिना अघि यूएइको दुवइमा वैदेसीक रोजगारका लागि  आएका थिए । पोखरेल केहि महिना अघि वढुवा भइ मेनेजर भएका थिए ।

एक नेपाली महिलाको विहिवार जुन महिनाको दोश्रो हप्तामा आपनै कोठामा पासो लागेको अवस्थामा फेला पर्यो ।  नाम वतन केहि खुल्न नसकेकी ती महिलाको यूएइको सार्जा स्थित अल लिसन एरियामा कपडाको पासो लगाइ सिलीङमा झुन्डिएको अवस्थामा फेला परेको यहाँको प्रहरीले जानकारी दियो  ।  जुनको दोश्रो साता नै  तनहुका श्याम गन्दर्वले युएईको सोनापुरमा आत्महत्या गरे । क्लिनरको रुपमा पावर क्लिनिंग कम्पनीमा कार्यरत उनले आत्महत्या गर्नुको कारण भने खुलेन । सन् २०१३ को जुन दोस्रो साता सम्ममा ६ जनाले आत्महत्या गरीसकेका छन्  ।

सन् २०१० देखि क्रमस सन् २०१३ को जुनका दोसो साता सम्ममा यूएइमा मर्ने २ सय ३८ मध्ये ७५ जनाले  सडक दुर्घटनामा ज्यान गुमाएका छन्  । साढे ३ वर्षमा ९० भन्दा धेरे नेपालीले युएईमा आत्महत्या गरिसकेको नेपाली दुतावासको तथ्यांक  छ । सन २००४ देखि २०१३ को जुलाई  पहिलो साता सम्ममा युएमा  ५ सय ५२  जना  नेपालीले ज्यान गुमाइ सकेका छन् । विगत साढे  नौ वर्षमा ५ सय ५० भन्दा धेरैले यूएमा नेपालीले ज्यान गुमाइ सकेका छन ।